Vencello 2020

Vencello 2020

VENCELLO nace da sinerxía entre as adegas Os Cipreses e Castrofiz con respecto á terra, á viña e ás artes tradicionais da xente ribeirá do Miño, que co seu traballo e sacrificio nos motivan a loitar para que as viñas non queden se relevo xeracional. Agardamos simbiose e que estes azos dean pulo ás adegas pequenas para non perder a esencia que nos deixaron os nosos devanceiros.

Límpido e vivo, de capa media-alta, cor vermella cereixa con reberete azulado moi brillante. Bágoa prolongada (moi glicérico).

De intensidade media, lembranzas de montería (xara, monte baixo de érbedos, coiro). Ben estruturado, moi fresco con recordos aromáticos de monte, sobresaen cheiros a froita moi madura (cereixa, ameixa, amora) moi sutil e persistente.

Estrutura na boca intensa cun tanino doce moi prolongado carnoso, maduro e cunha adstrinxencia moi agradable, con persistencia prolongada e un intenso retrogusto.