Castrofiz Barrica 2020

VENCELLO nace da sinerxía entre as adegas Os Cipreses e Castrofiz con respecto á terra, á viña e ás artes tradicionais da xente ribeirá do Miño, que co seu traballo e sacrificio nos motivan a loitar para que as viñas non queden se relevo xeracional. Agardamos simbiose e que estes azos dean pulo ás adegas pequenas para non perder a esencia que nos deixaron os nosos devanceiros.

Alta intensidade cromática, límpido e brillante, cor granate con reberete morado.

Complexo e intenso no que se mesturan aromas a froitas do bosque (arandos, mora, grosella negra), balsámicos, (betume, eucalipto, regalicia), especias (tomiño, cravo) con notas de crianza, de madeira moi sutil (cacao, café) e cun fondo mineral (terra mollada) da variedade Mencía.

Na boca ten unha entrada de boa intensidade con moitos matices, carnoso, saboroso, cálido. Lembranzas de flor (violeta). Tanino presente pero doce, acidez viva pero equilibrada e un final de boca de boa persistencia e agradable coa madeira ben ensamblada co viño.